Schweiz

Join

fang mal ah....

Options
tom24k
tom24k Posts: 6
in Social Groups
So mache mal dä afang. Gad mal uf Schwizerdütsch, will ich ja Schwizer bin. Aber söll kei diskriminierig si gegeüber anderne. Ich wohne am Zürisee und mache unregelmässig Sport. Esse hald sehr gern und han deswege zuegnoh. Jetzt wod ich uf jede Fall abneh, Ziel wers 10kg weniger. Aber das Ziel hani ledschd Jahr scho gha und keis kg weggha, bzw. es paar weggha und jetzt wieder druf. Wem gohds ähnlich?

Replies

  • Wyybli
    Wyybli Posts: 1
    Options
    Hallo Tom

    chumm nid us Züri, eher s'Gägeteil ..... vo Basel, besser gseit jetzt sit ca 15 Johr Basel-Land =))

    Bi mir isch's Fruschtässe es Problem. Min Maa het grad s'3te Burnout und dörf jetzt denn ändlich go kuure. In dere Zyt ha ich sagehafti 12kg agfrässe, nenns grad mol bim Name. Und die plus no alti Fruschtkilos mien jetzt ändlich wäg.

    Dä Zyschtig ha ich mit 100kg Startgwicht agfange und ich wött wieder mis Wohlfühlgwicht vo friener 53 / 55kg erreiche.

    Hoff es schriebe no meh als numme mir zwei
    glG Sandra
  • coiler666
    coiler666 Posts: 1
    Options
    Hallo zäme, ha mi iz mau eure Gruppe agschlosse. Bi 29i u chume us dr Region Bärn.
    Miner überschüssige Kilos hani mir i mire Schwangerschaft agfuetteret. Auso i bi scho immer eher chli ds schwär gsi, aber hami eigentlich immer guet gfüeut. Aber iz ischs nümm so. Leider bi ig e totale Sportmuffu, einisch am Tag use e Stung mit dr chliine mues de scho länge... ;) Aus Ziel hani mir iz afe mau gsetzt wider uf ds Gwicht vor dr Schwangerschaft ds cho...
    U vo dene 10kg, si iz immerhin scho 3 gschafft. I ha mir eifach aus Ziel gsetzt, das es ds zwöite Ching ersch git wenn i die 10kg gschafft ha.
    I probieres langsam ah ds gah, so 1-1.5kg pro Monat... U mis nächste Ziel isch es ir nächschte Schwangerschaft nümm soviu zue ds näh. Ha zum Glück o chli Hiuf vore Kollegin, si macht e Usbildig zur Ernährigsberaterin u hett mir o scho es paar gueti Tipps chönne gä.
  • Thomas_von_Arx
    Thomas_von_Arx Posts: 1
    Options
    Hoi zäme, chume us der Region Bade... wöt eifach wieder en flache Buch ha und mich guet füehle. Koche gärn und derzue es Gläsli Wy - möcht nid verzichte, aber kontrolliert und dosiert chli abnäh und mich guet füehle.

    LG Tom
  • MarioEffenberger
    MarioEffenberger Posts: 1
    Options
    Grüessech vom ungäre Ämmitau :-)

    Ig ha gfunge ig müessdi au mau a chlii mäh uf miis G'wicht luegä, auso chumm ig afe au mau zu Üch :-)

    Vor drüne Johr han ig mau 82kg gha u bi guet im Training gsii, iz si ds de 95kg und a muess öppis ga!

    Happy Weight Loss,
    Mario (41)
  • Isabelle3082
    Isabelle3082 Posts: 1 Member
    Options
    Hey zäme,
    Es gad bi miär im Moment stätig ufwärts und das leider uf dä Waag. :-/ Zerst ischs letscht Winter 1 kg meh gsi. Das hed mich nu nid so gstresst. Ha dänkt im Summer mit Sport wirds schnell wieder weniger... Ja jetzt wär Ends Juli und es sind mittlerweile 5 kg meh worde. Schokolade und co. lässt grüssen... Bikinifigur ade... (ok bi dem Rägewetter brucht mä die ja a nid...)
    Ich hoffe mit chli Motivation vo andere es chöne durezieh meh Sport zmache und uf Süässes zverzichte. Choche, guät ässe tuän ich eifach zgern. Deshalb chunt für mich a nid en mega Diet in frage (was ja eh nüt bringt usser Jojo-Effekt). So hani dänkt, tritt ich mau dere Gruppe bei. In dem Sinne...
    Grüässli us Bern
    Isa

Categories